جے یو پی کے مرکزی سیکریٹری اطلاعات سمیت دیگر رہنماؤں کی سبیل امام حسین (ع) پر حاضری
شیعہ نیوز (حیدرآباد) جمعیت علماء پاکستان کے مرکزی سیکریٹری اطلاعات ڈاکٹر محمد یونس دانش، صوبائی ڈپٹی جنرل سیکریٹری ناظم علی آرائیں، حیدآباد سٹی کے جنرل سیکریٹری محمد رضوان شیخ، یوسی 18 کے صدر مقصود سنار نے قدم گاہ مولا علی (ع) کا دورہ کیا جہاں انہوں نے شیعہ علماء کونسل کی جانب سے لگائے گئے استقبالیہ کیمپ پرسید کاظم علی شاہ ،مصطفی حیدر، شیر علی سے ملاقات کی اور محرم الحرام کے موقع پر انتظامیہ کی جانب سے سیکورٹی اور صحت وصفائی کے انتظامات کا جائزہ لیا۔ jUPکے رہنماؤں نے پیج ورک کام کو غیر تسلی بخش قرار دیتے ہوئے کمشنر حیدرآباد ڈپٹی کمشنر حیدرآباد اور ایڈمنسٹریٹر بلدیہ اعلیٰ حیدرآبادسے مطالبہ کیا کہ حیدرآباد کی اہم شاہراہوں پھلیلی پریٹ آباد بالخصوص ٹنڈوٹھوروپھاٹک سے مارکیٹ اور فقیرکا پڑ آفندی ٹاؤن سے گرونگرکپڑا مارکیٹ اور اسٹشین روڈکی فوری مرمت کرائی جائے پیچ ورک کے نام پر مٹی بھرائی کے ذریعہ فنڈز ضائع کرنے کا سلسلہ بند ہونا چاہئے کنکریٹ اور ڈامرسے سڑکوں کی مرمت کی جائے سیوریج کے نظام کو درست اور کچڑااٹھانے کا فوری انتظام کیا جائے ۔
