سیدنا امام حسین ؑ کی شہادت امت مسلمہ کیلئے مشعل راہ ہے‘شیخ اکبر

شیعہ نیوز(جڑانوالہ) سیدناامام حسین ؑ کی شہادت امت مسلمہ کیلئے مشعل راہ ہے ۔ نواسہ رسول ص نے ثابت کیا کہ حق کیلئے باطل کے سامنے سر کٹا یا تو جا سکتا ہے سر جھکایا نہیں جا سکتا۔ آپؓنے جان کا نذرانہ پیش کر کے اسلام کی آبیاری کی ۔ان خیالات کا اظہار شیخ محمد اکبر صدر انجمن تاجران چوڑی بازار نے شہدا ئے کربلا کو خراج عقیدت پیش کرنے کے سلسلہ میں منعقدہ محفل نعت کے موقع پر کیا۔ اس موقع پرصدر جماعت اہلسنت حاجی نصراﷲ‘ ماجد بھٹی‘ سلیم چشتی‘ غلام نبی انجم‘ مرزا ارشد بیگ‘ شیخ اقبال‘ عبدالقیوم ‘ اکرم ہیرا‘ حاجی عباس‘ علی احمد‘ عمران رانا‘ سابقہ کونسلر ملک رفیق ‘شیخ کاشف و دیگر نے شہدائے کربلا کو خراج عقیدت پیش کیا۔