راولپنڈی، ضلعی ڈپٹی سیکرٹری جنرل ایم ڈبلیو ایم کی گاڑی پر نامعلوم افراد کا حملہ

شیعہ نیوز (پاکستانی شیعہ خبر رساں ادارہ) مجلس وحدت مسلمین ضلع راولپنڈی کے ڈپٹی سیکرٹری جنرل اور پی پی 6 راولپنڈی سے ایم ڈبلیو ایم کے امیدوار برائے صوبائی اسمبلی پر قاتلانہ حملہ کی کوشش، واقعہ کے وقت سید راحت کاظمی گاڑی میں موجود نہیں تھے۔ نامعلوم افراد نے گاڑی کے شیشے توڑ دیئے اور ڈرائیور کو سنگین نتائج کی دھمکیاں دیں۔ واقعہ کی تفصیلات سے اسلام ٹائمز کو آگاہ کرتے ہوئے ایم ڈبلیو ایم ضلع راولپنڈی کے ڈپٹی سیکرٹری جنرل کا کہنا تھا کہ آج صبح چار بجے میرا ڈرائیور محافطوں کو پولیس لائن اتار کر واپس آرہا تھا کہ تھانہ ایئر پورٹ کے علاقہ میں نامعلوم افراد نے میری کرولا گاڑی کو روکا، ڈرائیور سے میرے بارے میں پوچھ گچھ کی اور گاڑی کے شیشے توڑ دیئے گئے، گن پوائنٹ پر نامعلوم دہشت گردوں نے سنگین نتائج بھگتنے کے لئے تیار رہنے کو بھی کہا۔ واقعہ کے بارے میں ڈی ایس پی سول لائنز کو مطلع کیا گیا جس کے بعدواقعہ کی ایف آئی آر درج کروا دی گئی ہے۔