عشق رسول {ص} مسلمانوں کا سرمایہ ہے : علامہ مقصود علی ڈومکی

شیعہ نیوز (پاکستانی شیعہ خبر رساں ادارہ) مجلس وحدت مسلمین بلوچستان کے رہنما علامہ مقصود علی ڈومکی نے اپنے ایک بیان میں کہا ہے کہ ربیع الاول کا مہینہ انتہائی مقدس ہے اور جشن میلاد رسول اکرم کے موقع پر عوام کو ملکر جشن اور جلوس میں شرکت کرنی چاہیے۔
علامہ مقصود علی ڈومکی نے کہا کہ ذات رسول اکرم {ص} پر سب کا ایمان ہے اور بلاشبہ آپ کی ذات تمام امت میں محور بن سکتی ہے لہذا اس موقع پر سب کو اتحاد اور یک جہتی کا مظاہرہ کرنا ہوگا
انہوں نے دہشت گردی اور شدت پسندی کے خاتمے کو ضروری قرار دیتے ہوئے کہا کہ اس مسئلے پر قوم مکمل طور پرفوج کی حمایت کرتی ہے اور انکے خلاف سخت اقدام وقت کی ضرورت ہے
انہوں نے کہا کہ جنوری کے پہلے ہفتے میں کارکنوں کے لیے تربیتی نشست کا بھی اہتمام کیا گیا ہے جسمیں تمام کارکنوں کو شرکت کی دعوت دی جاتی ہے۔