پشاور، آئی ایس او کے زیر اہتمام کرئیر گائیڈنس سیمینار کا انعقاد

شیعہ نیوز (پشاور) امامیہ اسٹوڈنٹس آرگنائزیشن پاکستان پشاور ڈویژن اسلامیہ کالج یونیورسٹی یونٹ کے زیر اہتمام BOLD کے تعاون سے تعلیمی کرئیر گائیڈنس سمینار جامعہ شہید سید عارف حسین الحسینی پشاور میں منعقد کیا گیا، جس میں مختلف یونیورسٹیوں اور کالجوں کے طلباء نے کثیر تعداد میں شرکت کی۔ سیمینار میں سید اشفاق حسین، شاہد حسین، ڈویژنل سیکرٹری تعلیم نوید انجم اور ڈویژنل نائب صدر امجد عباس نے تعلیم اور مستقبل کے حوالے سے مختلف پہلوئوں پر روشنی ڈالی۔ اس کے علاوہ مہمان خصوصی میں منیر حسین، آئی ایس او کے سابقہ عہدیداران سید علی، مدد علی خان اور اخلاق پیواڑی شریک تھے۔ سمینار میں طلباء کی حوصلہ آفزائی کے لئے انعامات بھی تقسیم کئے گئے، سیمینار کے اختتام پر آرمی پبلک سکول اینڈ کالج کے شہداء کے لئے فاتحہ خوانی کی گئی۔