جے ایس او کے مرکزی جنرل سیکرٹری کی لاہور میں علامہ مظہر علوی سے ملاقات

شیعہ نیوز (پاکستانی شیعہ خبر رساں ادارہ) جعفریہ اسٹوڈنٹس آرگنائزیشن پاکستان کے مرکزی جنرل سیکرٹری عمران حیدر جواد نے لاہور ڈویژن کا تفصیلی دورہ کیا، دورے کے دوران انہوں نے شیعہ علماء کونسل پنجاب کے صوبائی دفتر میں صوبائی صدر شیعہ علماء کونسل پنجاب علامہ مظہر عباس علوی سے تفصیلی ملاقات کی اور صوبائی سطح کے مختلف اُمور پر تبادلہ خیال کیا اور رہنمائی حاصل کی۔ ملتان سے جاری بیان کے مطابق جے ایس او کے مرکزی جنرل سیکرٹر ی نے اس موقع پر لاہور کے ڈویژنل صدر فخر عباس، جنرل سیکرٹری سہیل عباس، شیخوپورہ اور دیگر اضلاع سے آئے جعفری جوانوں ملاقاتیں کیں۔ عمران حیدر نے لاہور میں تنظیمی فعالیت لانے اور جلد ڈویژنل مجلس عمومی کرانے کے لیے نوجوانوں کی رہنمائی کی اور مختلف شخصیات سے روابط کیے۔