دیوبندی مدارس کی حمایت، وفاق المدارس الشیعہ کا مجلس عاملہ کو اعتماد میں لینے کا فیصلہ
شیعہ نیوز (پاکستانی شیعہ خبر رساں ادارہ) وفاق المدارس الشیعہ پاکستان کی مجلس عاملہ کے اجلاس کی تاریخ ایک بار پھر تبدیل کر دی گئی ہے۔ ناگزیر وجوہات کی بنیاد پر پہلے 29 مارچ کو طلب کیا گیا اجلاس اب 31 مارچ کو حافظ ریاض حسین نجفی کی زیر صدارت جامعہ المنتظر لاہور میں منعقد ہو گا ۔ اجلاس میں ملک بھر سے رکن مدارس دینیہ کے پرنسپل حضرات شریک ہوں گے۔ اجلاس میں دستور کے مطابق آئندہ چار سال کے لئے نئے مرکزی صدر کا انتخابات بھی عمل میں لایا جائے گا۔ وفاق المدارس الشیعہ کے سیکرٹری مولانا محمد افضل حیدری کے مطابق اجلاس میں اتحاد تنظیمات مدارس پاکستان کے حالیہ جامعتہ المنتظر میں ہونے والے اجلاس کے فیصلوں اور حکومت کے ساتھ مذاکرات پر بھی مجلس عاملہ کو اعتماد میں لیا جائے گا جبکہ ایمپلی فائر ایکٹ کی روشنی میں اذان، خطبات جمعہ اور تبلیغات میں رکاوٹوں پر بھی بحث کی جائے گی۔
