حکومت پاکستان بیرونی ممالک کے معاملات میں دخل دینے کی بجائے اپنے مسائل حل کرے، وفا عباس

شیعہ نیوز (پاکستانی شیعہ خبر رساں ادارہ) جعفریہ اسٹوڈنٹس آرگنائزیشن پاکستان کے مرکزی صدر وفا عباس نے اپنے بیان میں کہا کہ ہم یمن میں ہونے والے ظلم و ستم کی بھرپور مذمت کرتے ہیں۔ پاکستان کے اندرونی مسائل بہت سے ہیں حکومت پاکستان کو چاہیے کہ وہ بیرونی ممالک کے معاملات میں دخل دینے کی بجائے پاکستان کے اندرونی مسائل کو بہتر انداز سے حل کرے اس وقت پوری اسلامی دنیا انتہائی مشکلات حالات سے دوچار ہے، ارض وطن دہشت گردی و ٹارگٹ کلنگ کا شکار ہے، ہمسایہ ملک افغانستان کی صورتحال بھی اچھی نہیں جبکہ عراق، شام، مصر اور بحرین کے حالات بھی انتہائی پریشان کن ہیں جبکہ برما میں مسلمانوں پر ظلم ڈھائے جارہے ہیں فلسطین اور کشمیر میں ظلم و بربریت تھمنے کا نام نہیں لیتی اور ایسے حالات میں یمن کا تنازعہ کھڑا ہو جانا انتہائی پریشان کن ہے۔