ڈی ایس پی فتح سانگری کے قتل میں ملوث تکفیری دہشت گردوں کے خاکے جاری

شیعہ نیوز (پاکستانی شیعہ خبر رساں ادارہ) کراچی پولیس نے ڈی ایس پی فتح سانگری سمیت تین پولیس اہلکاروں کے قتل میں ملوث تکفیری دہشت گردوں کے خاکے جاری کردیے، ذرائع کے مطابق عینی شاہدین کے بیانات کی روشنی میں چار میں سے تین ملزمان کے خاکے جاری کردیے ملزمان میں ایک باریش شخص بھی شامل ہے جو واردات کے وقت شلوار قمیض میں ملبوس تھا جبکہ دیگر دو ملزمان پینٹ شرٹ میں ملبوس تھے۔ ذرائع کے مطابق تفتیشی حکام کو شبہ ہے کہ قتل کی اس واردات میں کالعدم تنظیم ملوث ہوسکتی ہے کیونکہ اس علاقے میں کالعدم تنظیموں کے کارندے پہلے بھی پولیس اہلکاروں کے قتل میں ملوث پائے گئے ہیں۔