پشاور، سکیورٹی فورسز کی کارروائی تحریک طالبان کا اہم کمانڈر اسلحے سمیت گرفتار

شیعہ نیوز (پاکستانی شیعہ خبر رساں ادارہ) پشاور محکمہ انسداد دہشت گردی نے فقیر آباد کے مقام پر کارروائی کے دوران کالعدم تحریک طالبان کے اہم کمانڈر خالد کو حراست میں لے لیا ہے۔ ملزم سے خودکش جیکٹس، بھاری مقدار میں اسلحہ و بارودی مواد برآمد۔ تفصیلات کے مطابق محکمہ انسداد دہشت گردی نے خفیہ اطلاعات پر پشاور کے علاقے فقیر آباد میں ایک گھر میں کامیاب کارروائی کے دوران ایک دہشت گرد کو حراست میں لے لیا اور ملزم سے برآمد ہونے والا اسلحہ بھی قبضے میں لے لیا گیا ہے۔ ملزم کا تعلق خیبر ایجنسی سے ہے اور کالعدم تحریک طالبان پاکستان کا اہم رکن ہے۔ سکیورٹی حکام کے مطابق گرفتار ملزم کی شناخت خالد نام سے ہوئی ہے۔ ملزم پشاور اور گرد نواح میں میں دہشت گردی کی مختلف وارداتوں میں ملوث تھا۔