یوم علی علیہ السلام پر سیکورٹی کے فول پروف اقدامات عمل میں لائے جائیں، سی پی او فیصل آباد
شیعہ نیوز (پاکستانی شیعہ خبر رساںا دارہ )فیصل آباد میں یوم شہادت حضرت علی علیہ السلام کے حوالہ سے سی پی او نے ایس ایس پی انویسٹی گیشن، تمام ڈویژنل ایس پیز، ایس ڈی پی اوز اور ایس ایچ اوز کے ساتھ میٹنگ کی، جس میں معاون اداروں کے ساتھ مل کر فول پروف سکیورٹی اقدامات عمل میں لانے کی ہدایت کی گئی۔ سی پی او افضال احمد کوثر نے کہا کہ تمام ڈویژنل ایس پیز، ایس ڈی پی اوز اور ایس ایچ اوز اپنے اپنے ایریا میں تمام اداروں سے قریبی معاونت رکھیں اور تمام جلوس و مجالس کے اردگرد کی ہر جگہ اور مشکوک افراد کو چیک کیا جائے اور ان پر کڑی نظر رکھی جائے، تمام روٹس کی مکمل سکینگ اور سویپنگ کی جائے، شرکاء جلوس کو چیک کرنے کے بعد جلوس میں شامل ہونے کی اجازت دی جائے۔ انہوں نے کہا کہ اے کیٹیگری کے جلوس و مجالس پر واک تھرو گیٹ، میٹل ڈیٹیکٹر اور سپیشل برانچ کے اہلکار آغاز سے لیکر اختتام تک موجود رہیں گے۔
