ڈی آئی خان، یوم شہادت امام علی ابن ابیطالب (ع) کی مناسبت سے مجلس عزا کا اہتمام ہوا

شیعہ نیوز (پاکستانی شیعہ خبر رساں ادارہ) ڈیرہ اسماعیل خان میں اکیس رمضان المبارک یوم شہادت امام علی ابن ابیطالب (ع) کی مناسبت سے مرکزی جلوس عزا کا آغاز مغربین کے بعد مسجد حضرت علی اصغر متصل مرکزی امام بارگاہ حضرت امام حسین (ع) میں ہوا۔ جلوس عزا کی سکیورٹی کیلئے شیعہ نوجوان اور پولیس کے اہلکار خدمات سرانجام دے رہے ہیں۔ جلوس عزا صبح صادق تک جاری رہے گا۔ قبل ازیں دو روزہ مجالس عزا کا آغاز جامع مسجد شیعہ لاٹو فقیر میں ہوا۔ مجلس عزا میں مقامی علما کرام اور ذاکرین نے مصائب امام علی (ع) و آل علی (ع) بیان کئے۔ دو روزہ مجالس کی آخری مجلس کل شام منعقد ہوگئی۔