جہلم سےلشکر جھنگوی کا تکفیری دہشت گرد گرفتار

شیعہ نیوز (پاکستانی شیعہ خبر رساں ادارہ)کاؤنٹر ٹیررازم ڈیپارٹمنٹ راولپنڈی نے کارروائی کر کےداعش سے تعلق رکھنے والے ایک تکفیری دہشت گرد کو گرفتار کرکے اس کے قبضے سے شر انگیز لٹریچر اور وڈیوز برآمد کرلی ہیں۔ ذرائع کے مطابق کاؤنٹر ٹیررازم ڈیپارٹمنٹ راولپنڈی نے خفیہ اطلاعات کی بنیاد پر جہلم میں کارروائی کرتے ہوئے علی نامی شخص کو گرفتار کرکے اس کے قبضے سے لیپ ٹاپ اور شرانگیز تحریری مواد برآمد کر لیا۔ سی ٹی ڈی حکام نے دہشت گرد کو حراست میں لیکر تفتیش کا آغاز کر دیا ہے۔ حکام کا کہنا ہے کہ علی کا تعلق دہشت گرد تنظیم داعش سے ہے اور یہ داعش سے ہمدردی رکھنے والوں کو تنظیم میں شامل کرنے پر مامور تھا۔

گذشتہ روز سی ٹی ڈی نے اٹک کی تحصیل حضرو سے بھی کالعدم لشکر جھنگوی کا مقامی تکفیری صدر اور داعشکا سرگرم کارکن حافظ شاہد فاروقی کو گرفتار کرکے اس کے قبضے سے بارودی مواد، ڈیٹونیٹرز اور دیگر ممنوعہ سامان برآمد کیا تھا۔ واضح رہے کہ کچھ عرصہ قبل ٹیکسلا میں سڑک کے کنارے داعش کے پرچم لگائے گئے تھے تاہم اس سرگرمی میں ملوث افراد کا تاحال پتہ نہیں لگایا جاسکا