آئی ایس او پشاور کے اسکائوٹس نے ایامِ عزا کے لئے سیکورٹی پلان تشکیل دیدیا

شیعہ نیوز (پاکستانی شیعہ خبر رساں ادارہ)مامیہ اسٹوڈنٹس آرگنائزیشن پشاور ڈویژن کے چیف اسکاؤ ٹ زین علی نے اخباری بیان دیتے ہوئے کہا کہ امامیہ اسکاؤٹس عزادری سید الشہداء ع کے تحفظ کے لیے اپنی جان کا نذرانہ پیش کرنے سے دریغ نہیں کریں گے۔ اس حوالے سے پشاور، مردان، کوہاٹ، ہنگو اور پاراچنار کے مختلف ماتمی جلوسوں کے لئے سیکیورٹی پلان تشکیل دے دیا گیا ہے۔ انہوں نے کہا کہ تمام شہروں میں حساس مقامات کا مکمل جائزہ لیا گیا ہے جس پر اسکاؤٹس کی موجودگی کو یقینی بنایا جائے گا۔ اس موقع پر اسکاؤٹس سے تقاضا کرتے ہیں کہ جلوس کے انتظامات کو پہلے سے زیادہ منظم کریں اور سیکیورٹی کے مسائل کو بہتر حکمت عملی کے ذریعے انجام دیں۔ اس حوالے سے ڈویژن کی سطح پر اسکائوٹ کیمپ کا انعقاد کیا گیا، جس میں طلباء نے کثیر تعداد میں شرکت کی، جنہیں مختلف سیکیورٹی ٹِپس سکھائی گئں۔ انہوں نے مزید کہا کہ ہم حکومت اور سیکیورٹی سے متعلق ذمہ داران سے مکمل تعاون کریںگے اور توقع رکھتے ہیں کہ حکومتی انتظامیہ اپنے فرائض پوری ذمہ داری سے ادا کریگی تاکہ ان مقدس ایام میں کوئی ناخوشگوار واقعہ پیش نہ آئے