ضرب عضب کی کامیابی کیلئے قوم کی دعائیں فوج کے ساتھ ہیں، طاہر بلوچ

شیعہ نیوز (پاکستانی شیعہ خبر رساں ادارہ)مجلس وحدت مسلمین جھنگ کے ترجمان طاہر خان بلوچ نے میڈیا سے بات کرتے ہوئے کہا ہے کہ آپریشن ضرب عضب ضرور کامیاب ہو گا، قوم کی دعائیں افواج پاکستان کے ساتھ ہیں۔ انہوں نے مملکت خداداد پاکستان کیخلاف بھارتی مخاصمت کی مذمت کرتے ہوئے کہا کہ بھارتی ایجنسی ’’را ‘‘کے ناپاک عزائم خاک میں ملادیں گے۔ انہوں نے جھنگ میں آئی ایس او کے مقامی کارکنوں اور لائسنس داران کے وفد سے امام بارگاہ آل عمران شادی والا میں سکیورٹی کے حوالے سے منعقدہ اجلاس سے خطاب کر تے ہوئے کہا کہ سات محرم کا جلوس انتہائی حساس ہے، سکیورٹی کے حوالے سے انتظامیہ کے ساتھ بھرپور تعاون کریں گے