مسلم حکمران متحد ہو کر یزیدی عناصر کی سازشوں کا خاتمہ کریں، صاحبزادہ قمر الشکور احمد

شیعہ نیوز (پاکستانی شیعہ خبر رساں ادارہ) ٹوبہ ٹیک سنگھ میں محفل ذکرحسین ؑسے خطاب کرتے ہوئے مولانا قمر الشکور احمد نے کہا ہے کہ حضرت امام حسین ؑ اور آپ کے خاندان کی قربانیاں ہمارے لئے مشعلِ راہ ہیں، آپؑ نے میدان کربلا میں جام شہادت نوش کر کے اسلام کی سربلندی، رضائے الٰہی اور صبر و تحمل کا عظیم درس دیا ہے۔ دُعا فاؤنڈیشن پاکستان کے بانی و چیئرمین اور دربار شکوری کے سجادہ نشین صاحبزادہ قمر الشکور احمد نے محفلِ ذکرِ حسین ؑسے خطاب کرتے ہوے کہا کہ اُمتِ مسلمہ کے خلاف آج جس منظم انداز میں سازشیں کی جا رہی ہیں اس کے خلاف مسلم حکمران علم اسلام بلند کریں اور یذیدی عناصر کو نست و نابود کریں۔ انہوں نے اپنے خطاب میں کہا کہ اسوہ شبیریؑ کا تقاضا ہے کہ اسلام اوراُمتِ مسلمہ کے خلاف ہونیوالی سازشوں کو خاک میں ملا دیا جائے، فکرِ حسینیؑ کو عام کر کے اِسلام کی سربلندی کے لئے تمام مسلمان متحد ہو جائیں۔ انہوں نے کہا کہ امام حسین ؑ نے رہتی دُنیا تک کے انسانوں کو حق اور سچ کا درس دیا ہے۔