داعش گمراہ کن گروہ ہے کہ جو مسلمانوں کا نقصان کر رہا ہے، قاری حنیف جالندھری

شیعہ نیوز (پاکستانی شیعہ خبر رساں ادارہ)وفاق المدارس العربیہ کے سیکریٹری جنرل قاری حنیف جالندھری نے کہا ہے کہ عالمی تکفیری دہشتگرد گروہ داعش ایک گمراہ تنظیم ہے جو مسلمانوں کا نقصان کر رہی ہے، حکومت مدارس کے حوالے سے طے پانے والے معاملات کو جلد پورا کرے۔ وزیراعظم نواز شریف لبرل ازم کے بیان کی فوری وضاحت کریں، باہر سے ڈکٹیشن لینے والے اپنے قومی سلامتی کے اداروں کی بات کا برا مناتے ہیں لیکن اپنی گورننس ٹھیک نہیں کرتے۔ ضرب عضب سمیت ملک بھر میں اور بالخصوص کراچی میں جاری آپریشنز کی مکمل حمایت کرتے ہیں اور ان کو ہر صورت پایہ تکمیل تک پہنچایا جائے۔وفاق المدارس پاکستان کے سیکریٹری جنرل قاری حنیف جالندھری نے جامعہ اشرفیہ لاہور میں پریس کانفرنس کرتے ہوئے کہا کہ عالمی دہشتگرد گروہ داعش ایک گمراہ گروہ ہے کہ جسکا دور دور تک دینِ سلام سے تعلق نھیں ہے، اور ایک ایسے گروہ کا تعلق دینِ اسلام سے ممکن ہی نھیں ہوسکتا کہ جو بیگناہ مسلمانوں اور غیر مسلموں کلمہ پڑھ کر کو ذبح کرتے ہیں، ا ن کی ناموس کو سرِبازار فروخت کرتے ہیں

تمام مسلمانانِ عالم باالخصوص بڑی اسلامی طاقتوں کو چاہئے کہ وہ اسلامی ممالک کی کانفرنس بلاکر اس گروہ (داعش) سے لاتعلقی کا اظہار کریں اور اس کے خلاف مشترکہ لائحہ عمل بناکر اس گروہ اور اس کے سہولت کاروں کے خلاف بھرپور کاروائی کریں، قاری حنیف جالندھری نے مزید کہا کہ پاکستان میں جو گمراہ کن لوگ داعش کی خلافت پاکستان میں نافذ کرنے کی بات کرتے ہیں یہ لوگ کسی صورت اسلام اور پاکستان کے خیرخواہ نھیں ہیں اور ہمارے دفاعی و قانون نافذ کرنے والے اداروں کو انکے خلاف بھرپور طریقے سے آپریشن ضربِ عضب کی طرز کا آپریشن کرنا چاہئے، یہ لوگ وطن عزیز کے لئے ناسور ہیں اور ناسور کا علاج آپریشن سے ہی ہوتا ہے

ضنیف جالندھری نے کہا کہ کرپشن اور بدعنوانی کے خلاف بھی عدل و انصاف کے تقاضوں کو پورا کرتے ہوئے بلاتفریق بے رحمانہ آپریشن کر کے ملک و قوم کو لوٹنے والوں کو قانون کے کٹہرے میں لایا جائے۔ اس موقع پر مفتی اعظم پاکستان مفتی محمد رفیع عثمانی، مولانا حافظ فضل الرحیم اشرفی، مولانا قاضی عبدالرشید، مولانا پیر سیف اللہ خالد نقشبندی اور مولانا قاری احمد میاں تھانوی بھی پریس کانفرنس میں موجود تھے