سانحہ پشاور کے شہداء کا خون رنگ ضرور لائے گا، گورنر پنجاب

شیعہ نیوز (پاکستانی شیعہ خبر رساں ادارہ)گورنر پنجاب ملک محمد رفیق رجوانہ کا کہنا ہے کہ تعلیم کی روشنی سے دہشتگردی کو شکست دی جا سکتی ہے، بہترین بدلہ دشمن کے بچوں کو پڑھا کر لیا جا سکتا ہے۔ لاہور میں ہمدرد سنٹر میں نونہال اسمبلی کا انعقاد کیا گیا جس کی صدارت ڈاکٹر رفیق احمد نے کی جبکہ گورنر پنجاب ملک محمد رفیق رجوانہ نے بطور مہمان خصوصی شرکت کی۔ گورنر پنجاب کا کہنا تھا کہ پاکستان کو بہت سی قربانیوں کے بعد حاصل کیا گیا،تکفیری دہشتگردی کی لہر ختم کرنے کیلئے سب کو مل کر کام کرنا ہو گا۔ انہوں نے کہا کہ سانحہ پشاور کے شہداء کا خون رنگ ضرور لائے گا۔ گورنر پنجاب نے کہا کہ سانحہ پشاور نے سیاسی قیادت کو متحد کر دیا ہے۔ انہوں نے مزید کہا کہ بچوں کے ذہنوں میں نظریہ پاکستان اور فکر اقبال پیدا کرنا ہو گی۔ سکولوں کے بچوں کی جانب سے حالاتِ حاضرہ کے حوالے سے تقریری مقابلہ اور مختلف خاکے بھی پیش کئے گئے