نائیجیریا سمیت دنیا بھر میں مظلوم مسلمانوں کا قتل عام بند کیا جائے، علامہ حسین مسعودی

شیعہ نیوز (پاکستانی شیعہ خبر رساں ادارہ)جعفریہ الائنس کے سینئر نائب صدر علامہ حسین مسعودی نے کہا کہ نائیجیریا، یمن، فلسطین، عراق، شام، بحرین اور کویت میں مسلمانوں کو تسلسل سے قتل کیا جار ہا ہے جو کہ قابل مذمت ہے۔ فیڈریل بی ایریا میں علماء و معززین کی مشترکہ نشست سے خطاب کے دوران انہوں نے کہا کہ نائیجیریا میں حکومتی فوج عوام کا خون بہا رہی ہے اور خاص طور پر شیعہ مسلمانوں کو نشانہ بنایا جا رہا ہے، حال ہی میں نائیجیریا کے بزرگ عالم دین شیخ ابراہیم زکزکی اور ان کے اہل خانہ کو نشانہ بنایا گیا جو کہ انتہائی افسوسناک ہے، عالمی برادری نائیجیریا حکومت کے خلاف سخت کاروائی کرے، اگر نائیجیریا حکومت نے شیعہ دشمنی بند نہ کی تو پوری دنیا میں ان کے خلاف مظاہرہ کیا جائیگا