کراچی، سی ٹی ڈی کی کارروائی میں تحریک طالبان کے چار تکفیری دہشتگرد گرفتار

شیعہ نیوز (پاکستانی شیعہ خبر رساں ادارہ)شہر قائد میں انسداد دہشت گردی فورس نے کارروائی کرکے تحریک طالبان کے چارتکفیری دہشتگردوں کو گرفتار کرلیا ہے۔ انٹیلی جنس اطلاعات پر سی ٹی ڈی نے اتحاد ٹاون مشتبہ گھر پر چھاپہ مار کے تحریک طالبان کے چار تکفیری دہشتگردوں کو گرفتار کیا ہے۔ انچارج سی ٹی ڈی علی رضا نے میڈیا کے نمائندوں کو بریفنگ دیتے ہوئے کہا ہے کہ کراچی کے علاقے اتحاد ٹاون میں کارروائی کی گئی، جس کے نتیجے میں کالعدم تحریک طالبان سے تعلق رکھنے والے چارتکفیری دہشت گردوں کو گرفتار کیا گیا۔ ان کا کہنا ہے کہ گرفتارتکفیری دہشت گرد قتل، اقدام قتل اور بھتہ خوری کی وارداتوں میں ملوث تھے، جنہیں گرفتار کرکے مزید تفتیش کے لیے نامعلوم مقام پر منتقل کردیا گیا ہے۔ گرفتار ہونے والے دہشت گردوں کے قبضے سے بھاری مقدار میں اسلحہ بھی برآمد کیا گیا ہے