سندھ کے علاقے کوٹری سے بیت اللہ محسود کا قریبی ساتھی اور مطلوب تکفیری دہشتگرد گرفتار
شیعہ نیوز (پاکستانی شیعہ خبر رساں ادارہ)کاؤنٹر ٹیررازم ڈیپارٹمنٹ اور سندھ رینجرز نے کوٹری کے علاقے میں مشترکہ کارروائی کرتے ہوئے کالعدم تنظیم کا اہم اور مطلوب تکفیری دہشتگرد گرفتار کرلیا، اہم کارروائی کراچی سے گرفتار تکفیری دہشت گردوں کی نشاندہی پر کی گئی۔ تفصیلات کے مطابق سی ٹی ڈی اور رینجرز نے سندھ کے ضلع حیدرآباد میں مشترکہ کارروائی کے دوران کالعدم تحریک طالبان پاکستان کا مطلوب تکفیری دہشتگرد گرفتار کرلیا۔ ایس ایس پی حامد فاروقی کے مطابق دہشتگرد مہربان کو کوٹری کے علاقے سے گرفتار کیا گیا، ایس ایس پی کا کہنا ہے کہ گرفتار دہشتگرد دیگر دہشتگردوں کی مالی معاونت اور انہیں اسلحہ فراہم کرتا تھا۔ پولیس کے مطابق گرفتار دہشتگرد مہربان، بیت اللہ محسود کا قریبی ساتھ تھا، جس کا نام ریڈ بک میں شامل ہے، گرفتار دہشتگرد مہربان ولد بادشاہ خان نے کراچی میں متعدد کارروائیاں کیں۔ دہشتگرد ڈکیتی کرکے رقم بیت اللہ محسود کو بھیجتا تھا۔ دہشت گرد کو کراچی سے گرفتار چار دہشتگردوں کی نشاندہی پر گرفتار کیا گیا
