باچا خان یونیورسٹی پر حملہ، ایک دہشت گرد کا نام عباس افغانی یا افغان سواتی تھا، دوسرے کا علی رحمن تھا

شیعہ نیوز (پاکستانی شیعہ خبر رساں ادارہ) باچا خان یونیورسٹی پر حملے کی تحقیقات میں پیش رفت ہوئی ہے اور دہشت گردوں کے فنگر پرنٹس کی رپورٹ تیار کرکے وزیر داخلہ کو ارسال کی گئی ہے۔دہشت گردوں کے فنگر پرنٹس کی رپورٹ میں بتایا گیا کہ 4 میں سے 2 دہشت گردوں کی عمریں 18 سال سے کم تھی، ایک دہشت گرد کا نام عباس افغانی یا افغان سواتی تھا، دوسرے دہشت گرد کی شناخت علی رحمٰن کے نام سے ہوئی۔ رپورٹ کے مطابق دیگر 2 دہشت گردوں میں سے ایک کی عمر 18 سال سے کم ہے، دوسرا بھی کم عمر ہے اور اس کی شناخت نہیں ہو پا رہی، ان کی معلومات نیشنل ڈیٹا بیس اتھارٹی (نادرا) کے ریکارڈ میں بھی موجود نہیں، اس لیے امکان ہے کہ وہ افغان شہری ہیں۔