کراچی میں امن کے حاصل کردہ اہداف کو مستحکم اور آگے بڑھنا ہے، کور کمانڈر کراچی

شیعہ نیوز (پاکستانی شیعہ خبر رساں ادارہ) کور کمانڈر کراچی لیفٹنٹ جنرل نوید مختار نے کہا ہے کہ کراچی میں امن و امان کی صورت حال کیلئے حاصل کردہ اہداف کو مستحکم اور آگے بڑھنا ہے۔ تفصیلات کے مطابق کراچی میں اے ایس ایف کی پاسنگ آؤٹ پریڈ کی تقریب سے خطاب کرتے ہوئے کور کمانڈر کراچی لیفٹنٹ جنرل نوید مختار نے کہا کہ کراچی میں امن و امان کی صورت حال بتدریج بہتری کی جانب گامزن ہے، اور اس بہتری کا سہرا تمام قانون نافذ کرنے والوں کو جاتا ہے، تاہم ابھی اور آگے بڑھنا اور حاصل کردہ اہداف کو مستحکم کرنا ہے۔ کور کمانڈر کراچی کا کہنا تھا کہ ائیر پورٹ سیکیورٹی فورس ایک قابل فخر ادارہ ہے، جو ہر دم مستعد اور کسی بھی ناخوشگوار واقعات سے نمٹنے کی بھرپور صلاحیت رکھتی ہے۔