ڈی آئی خان میں جشن نوروز، شہریوں میں جوش و خروش قابل دید

شیعہ نیوز (پاکستانی شیعہ خبر رساں ادارہ) ڈیرہ اسماعیل خان میں جشن نوروز ہمیشہ کی طرح امسال بھی انتہائی جوش و جذبے سے منایا جا رہا ہے۔ جشن نوروز کا آغاز نماز ظہرین کے بعد جامع مسجد یاعلی (ع) میں ہوا۔ جشن کا آغاز شیعہ ینگ مین کے زیراہتمام تین روزہ جلسہ سے ہوا۔ نماز مغربین کے بعد جلسہ کی دوسری نشست کا آغاز ہوا۔ جس میں مقامی اور دیگر شہروں سے آئے ذاکرین نے فضائل مولا علی علیہ السلام بیان فرمائے۔ دوسری نشست نماز فجر کی اذان تک جاری رہیگی۔ ہمیشہ کی طرح شہر کی گلیاں و بازار دلہن کی طرح سجے ہوئے ہیں۔ ممبران صوبائی اسمبلی و صوبائی وزرا، ضلع و تحصیل ناظمین کے خصوصی وزٹ جاری ہیں۔ ڈیرہ سٹی کی سکیورٹی سخت کرکے سرکلر روڈ پر گشت بڑھا دیا گیا۔ گھر گھر چراغاں ہے، گلیاں بازار برقی قمقموں سے جگمگا رہے ہیں۔ گھروں سے خصوصی پکوان کی خوشبوئیں آرہی ہیں۔