کراچی، شفیق موڑ پر تکفیری دہشتگردوں کی فائرنگ، دو مومن شھید ایک شدیدزخمی
شیعہ نیوز (پاکستانی شیعہ خبر رساں ادارہ ) شفیق موڑ پر نمک بینک کے قریب تکفیری دہشتگردوں کی فائرنگ سے دو مومن شھید اور ایک شدید زخمی۔
تازہ ترین اطلاعات کے مطابق کراچی کے علاقے شفیق موڑ کے پاس واقع نمک بینک پر ملک دشمن، اسلام دشمن کالعدم تکفیری دہشتگرد گروہ سپاہِ صحابہ (اہلسنت و الجماعت) کے تکفیری دہشتگردوں کی کار پر فائرنگ سے دو مومن شھید اور ایک شدید زخمی ہوگئے۔شھید ہونے والے دونوں مومنین اورزخمی مومن کو عباسی شھید اسپتال منتقل کردیا گیا ہے۔
زرائع کے مطابق مسجد و امام بارگاہ بابِ نجف سے نمازِ جمعہ کی ادائیگی کے بعد کار میں اپنے گھر واقع روشن باغ بلاک 19 جانے والےتین مومنین ہاشم ، علی سجاد اور شمیم رضوی جیسے ہی نمک بینک کے قریب پہنچے تو ایک موٹرسائیکل پر سوار کالعدم تکفیری دہشتگرد گروہ سپاہِ صحابہ (اہلسنت و الجماعت) کے دہشتگردوں نے ان کی کار پر فائرنگ کردی۔ فائرنگ کے نتیجے میں دو مومن ہاشم ولد شبیر اور علی سجاد ولد شاہد حسن موقع پر ہی شھید ہوگئے جبکہ تیسرے مومن شمیم رضوی ولد سرور رضوی شدید زخمی ہوگئے۔
واقعہ کے فوری بعدپولیس نے کاروائی شروع کرتے ہوئے دونوں شھداء اور زخمی کو عباسی شھید منتقل کرتے ہوئے علاقے کی ناکہ بندی کردی ہے
