اصغریہ آرگنائزیشن کے تعمیر کردار کنونشن کے آخری روز یوم علیؑ کی پر وقار تقریب

شیعہ نیوز (پاکستانی شیعہ خبر رساں ادارہ ) اصغریہ آرگنائزیشن کے جوانوں نے وادی مہران میں تعمیر کردار اور نظام ولایت و امامت کی شناسائی کے لئے قابل قدر جدوجہد کی ہے، قوم کو ماضی میں گم ہونے کی بجائے عصر حاضر کے تقاضوں کو سمجھنا ہوگا۔

ان خیالات کا اظہار مجلس وحدت مسلمین پاکستان کے مرکزی رہنماء علامہ مقصود ڈومکی نے بھٹ شاہ میں اصغریہ آرگنائزیشن پاکستان کے زیر اہتمام تعمیر کردار کنونشن کے آخری روز یوم علی ؑکی پر وقار تقریب سے خطاب کرتے ہوئے کیا۔علامہ مقصود ڈومکی کا کہنا تھا کہ جس قوم کے قتل عام کے لئے مشرق سے مغرب تک تمام شیاطین اکھٹے ہوچکے ہوں اسے غفلت کی نیند سونے کا کوئی حق نہیں۔ اسی ملکوں کےدہشت گردوں پر مشتمل سفاک تکفیری دہشتگرد گروہ داعش کا پہلا حدف شیعہ ہیں۔ کربلا جیسی عظیم درسگاہ کی حامل قوم کو عصر حاضر کی یزیدیت کو پہچاننے اور اس کا مقابلہ کرنے میں کوئی مشکل نہیں ہونی چاہئیے۔

علامہ مقصود ڈومکی کا مذید کہنا تھا کہ جن کا ماضی کربلا ہو اور مستقبل مہدی برحق کا عالمی انقلاب ہو ، وہ زرداری یا نواز شریف کے طاغوتی نظام پر راضی نہیں رہ سکتے۔ ملت کو عصر حاضر کے تقاضوں سے ھمآھنگ حکمت عملی بنانی پڑے گی۔ آج ایسے باکردار انسانوں کی ضرورت ہے جو باطل کے لئے خوف کی علامت اور دشمن خدا کی آنکھ کا کانٹا بن جائیں۔