پاک فوج کے سربراہ کا آئی جی سندھ کو فون، ہرممکن تعاون کی یقین دہانی

شیعہ نیوز (پاکستانی شیعہ خبر رساں ادارہ ) پاک فوج کے سربراہ جنرل راحیل شریف کا کہنا ہے کہ پاک فوج دہشت گردی سے نمٹنے کے لیے سندھ پولیس کی بھرپورمدد کرے گی جب کہ ہرصوبے سے تکفیری دہشتگردوں کا خاتمہ کیاجائےگا۔

زرائع کے مطابق پاک فوج کے سربراہ جنرل راحیل شریف نے آئی سندھ اے ڈی خواجہ کو ٹیلیفون کیا،ٹیلی فونک گفتگو کے دوران آرمی چیف نے گذشتہ روز اورنگی ٹائون کے علاقے میں ملک دشمن ، اسلام دشمن کالعدم تکفیری دہشتگردوں کے حملے میں سندھ پولیس کے اہلکاروں کی شہادت پر اظہار افسوس اور شہید پولیس اہلکاروں کے لواحقین سے دلی تعزیت کی۔آرمی چیف نے سندھ پولیس کی تکفیری دہشت گردوں کےخلاف کارروائیوں کوسراہتے ہوئے کہا کہ پاک فوج پولیس کے شانہ بشانہ کھڑی ہے، ہرصوبے سے تکفیری دہشت گردوں کا خاتمہ کیا جائے گا۔ پاک فوج دہشت گردی سے نمٹنے کے لیے سندھ پولیس کی بھرپور مدد کرے گی۔

واضح رہے کہ گزشتہ روزکراچی کے علاقے اورنگی میں ملک دشمن، اسلام دشمن کالعدم تکفیری دہشت گردوں نے 7 پولیس اہلکاروں کو شہید کردیا تھا۔