سندھ رینجرز نے ہیلپ لائن کے بعد مددگار سروس بھی شروع کردی

شیعہ نیوز (پاکستانی شیعہ خبر رساں ادارہ )سندھ رینجرز کی جانب سے ہیلپ لائن کے بعد اب مددگار سروس شروع کی گئی ہے جہاں عوام کسی بھی جرم کے واقعے کی تصاویر، ویڈیوز اور دیگر دستاویز بھی بھیج سکتے ہیں۔

زرائع کے مطابق سندھ رینجرز کے ترجمان کا کہنا ہے کہ پاکستان رینجرز سندھ نے صوبے بھر میں ہیلپ لائن کے بعد اب رینجرز مددگار سروس شروع کردی ہے۔ اس سلسلے میں رینجرز ہیڈ کوارٹر میں رینجرز قومی رضاکار کا دفتر بھی قائم کردیا گیا ہے۔عوام رینجرز مددگار سروس پر جرم کے واقعے کی تصاویر، ویڈیوز اور دستاویز بھیج سکتے ہیں اس کے علاوہ شہری رینجرز مددگار سروس کے لئے 03162369996 پر رابطہ بھی کرسکتے ہیں۔