لاہور: ادارہ التنزیل کے زیر اہتمام مرکز معارف قرآن و اہلبیت کا باقاعدہ افتتاح

شیعہ نیوز (پاکستانی شیعہ خبر رساں ادارہ) لاہور کے مقام دھرم پورہ کے مومنین اور ادارہ التنزیل کی مشترکہ کوششوں سے مصطفی آباد میں قرآن سنٹر قائم کر دیا گیا ہے جس کی افتتاحی تقریب گزشتہ روز منعقد ہوئی۔ اس موقع پر ادارہ کے مسئول سید سجاد نقوی کا کہنا تھا کہ نوجوان نسل کی تعلیمات قرآن و سیرت محمد و آل محمد کے مطابق تربیت کرنا وقت کا تقاضہ اور ہمارا اولین فریضہ ہے۔ انہوں نے ادارہ کے تحت قرآنی سنٹر کے قیام کے مقصد سے آگاہ کرتے ہوئے بتایا کہ جدید عصری تقاضوں کے مطابق طلبہ و طالبات کی قرآنی تربیت معارف قرآن کی نشر و ترویج کے سلسلہ کو جاری رکھنا ہے، قرآن سینٹر میں میں ایک درجن سے زائد طلباء باتجربہ اساتذہ سے معارف قرآن و اہل بیت علیہم السلام کی تعلیم حاصل کرہے ہیں، افتتاحی تقریب میں درجنوں مومنین نے شرکت کی۔