حلب : نماز جمعہ کے دوران تکفیری دہشتگردوں کا مسجد اویس قرنی پر حملہ ۳۰ نماز شہید کئی زخمی
شیعیت نیوز: شام میں حکومت مخالف دہشت گرد گروہوں نے حلب میں گذشتہ روز ایک مسجد پر راکٹ سے حملہ کر دیا جس میں 15 عام شہری جاں بحق اور 30 دیگر زخمی ہو گئے، سانا نیوز ایجنسی کی رپورٹ کے مطابق یہ حملہ حلب کے باب الفرج علاقے میں جمعے کی نماز کے بعد کیا گیا۔
شام کے ٹی وی کی رپورٹ میں بتایا گیا ہے کہ جمعے کی نماز ختم ہونے کے بعد کئی راکٹ مسجد سے ٹکرائے جبکہ روس کی اسپوتنک نیوز ایجنسی نے بتایا ہے کہ حلب کی مسجد پر ہونے والے حملے میں کم از کم 25 افراد جاں بحق ہو گئے ہیں اور 40 زخمی ہوئے ہیں۔
شمالی شام کے حلب شہر میں ایسي حالت میں حملے جاری ہیں کہ جب جمعے کو ہی امریکہ اور روس نے شام کے دمشق اور لاذقيہ صوبوں میں امن کے مرحلے پر رضامندی ظاہر کی ہے۔
رپورٹ کے مطابق روس اور امریکہ کے درمیان ہونے والے اتفاق میں حلب شامل نہیں ہے۔ در ایں اثنا
ڈاكٹرز ود آؤٹ بارڈرس نے بتایا ہے کہ حلب میں بدھ کو ایک ہسپتال پر ہونے والے حملے میں مارے جانے والوں کی تعداد بڑھ کر 50 ہو گئی ہے۔
مارے جانے والوں میں 6 ڈاكٹرز بھی شامل ہیں۔
