کوہاٹ،پولیس کی کاروائی میں انتہائی مطلوب تکفیری دہشت گرد گرفتار

شیعہ نیوز (پاکستانی شیعہ خبر رساں ادارہ ) پولیس کے محکمہ انسداد دہشت گردی نے کوہاٹ میں کارروائی کرتے ہوئے کالعدم تکفیری دہشتگرد گروہ کے انتہائی مطلوب تکفیری دہشت گرد کو گرفتار کر کے اس قبضے سے بارودی مواد برآمد کر لیا ہے۔

ذرائع کے مطابق کوہاٹ میں کاؤنٹر ٹیرارزم ڈیپارٹمنٹ نے ایک مکان میں تکفیری دہشت گرد کی موجودگی کی خفیہ اطلاع ملنے پر چھاپہ مارا، کارروائی کے دوران ملک دشمن، اسلام دشمن کالعدم تکفیری دہشتگرد گروہ کےدہشتگرد کو گرفتار کرکے اس کے قبضے سے ایک ٹی ٹی پستول اور دو دستی بم برآمد کر لیے۔ سی ٹی ڈی حکام کا کہنا ہے کہ گرفتار کیے گئے تکفیری دہشتگرد کا نام گلاب شیر ہے اور اس کا تعلق کوہاٹ کے علاقے زرگڑی سے ہے۔ گلاب شیر ملک دشمن، اسلام دشمن کالعدم تکفیری دہشتگرد گروہ تحریک طالبان پاکستان سے تعلق رکھتا ہے اور وہ قتل، اقدامت قتل، دہشت گردی اور اغوا برائے تاوان کی وارداتوں میں ملوث تھا۔ جس کے سر کی قیمت خیبر پختونخوا حکومت نے 10 لاکھ روپے رکھی تھی۔