لاہور، رمضان المبارک میں فول پروف حفاظتی انتظامات ترتیب دیئے ہیں، ڈی آئی جی آپریشنز

شیعہ نیوز (پاکستانی شیعہ خبر رساں ادارہ )ڈی آئی جی آپریشنز ڈاکٹر حیدر اشرف نے كہا ہے كہ لاہور پولیس نے رمضان المبارک کے حوالے سے فول پروف حفاظتی انتظامات ترتیب دیئے ہیں۔

زرائع کے مطابق ڈی آئی جی آپریشنز لاہور ڈاکٹر حیدر اشرف نے سبزی منڈی بادامی باغ کا دورہ کیا جب کہ اس موقع پر انہوں نے بتایا کہ رمضان المبارک کے سیکیورٹی پلان کے مطابق 10 ہزار سے زائد اہلکار فرائض سرانجام دیں گے، تمام مساجد و امام بارگاہوں كو 3 كیٹگریز اے، بی اور سی میں تقسیم كیا گیا ہے، تمام ڈویژنل ایس پیز كو روزانہ كی بنیاد پر رمضان بازاروں، دستر خوانوں اور خصوصاً سحری و افطاری كے اوقات كے دوران حفاظتی انتظامات كا جائزہ لینے كی ہدایت كی گئی ہے جب کہ مساجد اور امام بارگاہوں میں بغیر تلاشی كوئی نمازی كو داخلے كی اجازت نہ ہوگی۔