میجر علی جواد شہید کا بدلہ لیا جائیگا، وزیر دفاع خواجہ آصف

شیعہ نیوز ( پاکستانی شیعہ خبر رساں ادارہ)وزیر دفاع خواجہ آصف نے اعلان کیا ہے کہ میجر علی جواد شہید کی قربانی رائیگاں نہیں جائے گی، اس کا بدلہ لیا جائیگا۔

زرائع کے مطابق وزیر دفاع خواجہ آصف نے اپنے مختصر سے بیان میں کہا ہے کہ میجر علی جواد شہید کا بدلہ لیا جائے گا، وزیر دفاع نے کہا کہ ہمارے دشمن ضرب عضب سے حاصل کیا ہوا امن چھیننا چاہتے ہیں، یاد رہے کہ دو روز قبل طورخم باڈر پر افغان فورسز کی فائرنگ سے میجر علی جواد چنگیزی شدید زخمی ہوئے تھے جہیں پشاور کے سی ایم ایچ اسپتال میں داخل کرایا گیا تھا تاہم گذشتہ شب وہ شہادت کے درجے پر فائز ہو گئے۔ میجر علی جواد کا تعلق کوئٹہ کی شیعہ ہزاری برادری سے تھا۔