آئی ایس او کی تربیتی ورکشاپ جولائی میں بھمبروٹ میں ہو گی

شیعہ نیوز ( پاکستان شیعہ خبر رساں ادارہ ) امامیہ اسٹوڈنٹس آرگنائزیشن پاکستان کے مرکزی دفتر لاہور میں تنظیم کے ذیلی ادارے تربیت اسلامی کا ماہانہ اجلاس منعقد ہوا۔

زرائع کے مطابق اجلاس میں رکن نظارت و مجلس وحدت مسلمین پاکستان کے مرکزی ڈپٹی سیکریٹری جنرل علامہ احمد اقبال رضوی، مرکزی صدر علی مہدی سمیت اراکین ادارہ نے شرکت کی۔ اجلاس میں تنظیم کے زیراہتمام جولائی میں ہونیوالے پروگرامات کے انتظامی ایجنڈا کو زیر بحث لایا گیا۔ ادارہ تربیت کے سربراہ علامہ اسد نقوی نے شرکاء کو بتایا کہ آئی ایس او کے زیراہتمام جولائی میں 10 روزہ میٹرک طلباء کی تربیتی ورکشاپ بھمبروٹ میں منعقد ہوگی جبکہ کارکنان کی تربیتی و فکری 10 روزہ ورکشاپ بھی مری میں ہوگی۔ اسد نقوی کا کہنا تھا کہ امامیہ اسکائوٹس کا سالانہ پروگرام بھی جولائی کے آخری عشرہ میں ہوگا جو 10 دن جاری رہے گا، جس میں ملک بھر سے درجنوں امامیہ اسکائوٹس شریک ہونگے۔ اس موقع پر مرکزی نائب صدر سرفراز نقوی کا کہنا تھا کہ ملک بھر میں آئی ایس او کے زیر اہتمام 200 سے زائد مقامات پر تربیتی و فکری ورکشاپس جاری ہیں، ورکشاپس کے انعقاد کا مقصد طلباء کی عصری تقاضوں کے مطابق تربیت کرنا ہے تاکہ وہ معاشرے میں اپنا کلیدی کردار ادا کر سکیں۔