امجد صابری کی یاد میں دیوارِ قدردانی

شیعہ نیوز ( پاکستانی شیعہ خبر رساں ادارہ )معروف منقبت خواں،نعت خواں،قوال امجد صابری کے بیہمانہ اور المناک شھادت پر ہر آنکھ اشک بار تھی۔ ان سے عقیدت رکھنے والا ہر شخص اور ہر مکتبہ فکر سے تعلق رکھنے والے لوگ ان کی تعزیت میں شریک تھے۔

زرائع کے مطابق امجد صابری کی تمام تر کاوشوں اور خدمات کو خراجِ عقیدت پیش کرتے ہوئے کراچی کے علاقے کورنگی کے مکینوں نے امجد صابری کی یاد میں دیوارِ قدردانی بنا ڈالی۔ان کا کہنا تھا کہ امجد صابری کی سماجی خدمات، نبی و آلِ نبی ﷺ، محبت صحابہ کرام اور اولیا عزام سے عقیدت و تعلیمات کو اپنی قوالی کے ذریعے اجاگر کرنا اور انکی محبت کو لوگوں کے دلوں میں گھر کرنا اس بات کی وجہ ہے کہ آج ہم ان کی تصاویر بنا کر ان کی یاد کو تازہ کر رہے ہیں۔شہریوں نے ساتھ ہی حکومت سے اپیل کی امجد صابری کے قاتل تکفیری دہشتگردوں کو جلد از جلد گرفتار کیا جائے اور ساتھ ہی ہمارے ملک کی عوام اور تمام مشہورو معروف شخصیات کو مکمل تحفظ فراہم کیا جائے۔