کراچی، سی ٹی ڈی اور حساس اداروں کی کارروائی، عیدالفطر پر دہشتگردی کا منصوبہ ناکام

شیعہ نیوز ( پاکستانی شیعہ خبر رساں ادارہ )منگھوپیر کے علاقے پختون آباد میں پولیس نے ٹارگٹڈ آپریشن کے دوران مخصوص گھروں کی تلاشی لی اور 15 مشتبہ افراد کو گرفتار کر لیا ہے۔

زرائع کے مطابق دوسری جانب ایس ایس پی سی ٹی ڈی جنید شیخ کا کہنا ہے ملک دشمن، اسلام دشمن کالعدم تکفیری دہشتگرد گروہ کے مطلوب تکفیری دہشت گرد یاسین سے ہینڈ گرنیڈ اور چار کلو دھماکہ خیز مواد برآمد کیا گیا۔اطلاعات کے مطابق تکفیری دہشتگرد یاسین اور اس کے ساتھی دہشتگردوں نے عید الفطر کے موقع پر شہر میں دہشت گردی کا منصوبہ بنایا تھا۔ گرفتار تکفیری دہشتگرد یاسین دہشتگرد کاروائیوں سمیت سیکورٹی فورسز کے جوانوں کی ٹارگٹ کلنگ میں بھی ملوث ہے۔

پولیس زرائع کے مطابق کوثر ٹاؤن سے بڑی تعداد میں اسلحہ برآمد کیا گیا۔ انچارچ سی ٹی ڈی راجہ عمر خطاب کے مطابق برآمد کئے گئے اسلحہ میں ایل ایم جی، آر پی جی اور ایچ ایم جیز شامل ہیں۔