سپریم کورٹ کے بعد پشاور ہائی کورٹ بھی تکفیری دہشتگردوں کے دفاع کے لئے سرگرم

شیعہ نیوز ( پاکستانی شیعہ خبر رساں ادارہ )پشاور ہائیکورٹ نے ملٹری کورٹ سے سزا یافتہ تکفیری دہشت گردوں کو سزائے موت کے حوالے سے آرمی چیف کے احکامات کو معطل کرتے ہوئے 3 تکفیری دہشتگردوں کی پھانسی پر عملدرآمد روک دیا اور اس سلسلے میں وزارت داخلہ و دفاع سے جواب طلب کرتے ہوئے 26 جولائی تک جواب مانگ لیا۔

زرائع کے مطابق پشاور ہائی کورٹ کے جسٹس یحییٰ آفریدی اور جسٹس وقار احمد سیٹھ پر مشتمل دو رکنی بنچ سے یہ احکامات ایڈووکیٹ عارف جان کی وساطت سے دائر سزا یافتہ تکفیری دہشتگردعزیز الرحمن کے والد عبدالجلال،تکفیری دہشتگرد ایاز خان کے والد محمدی جان اور ایڈووکیٹ غلام محی الدین کی وساطت سے سزا یافتہ تکفیری دہشتگرد محمد طیب کے والد امیر زادہ کی جانب سے دائر اپیلوں کی سماعت کی ۔تکفیری دہشتگرد عزیزالرحمن کو سکیورٹی فورسز نے سال 2010ء میں شکردرہ کوہاٹ میں اسکے گھر سے گرفتار کیا تھا۔ 14 جولائی 2016ء کو ملٹر کورٹ سے سزا ملنے کے بعد آرمی چیف نے انکی سزا کی توثیق کر دی تھی۔

تکفیری دہشتگرد عزیز الرحمن اور محمد طیب کیخلاف سکیورٹی فورسز پر حملوں سمیت تین جرائم جبکہ تکفیری دہشتگرد محمد ایاز کو دو جرائم میں چارج کیا گیا ہے۔ تکفیری دہشتگردوں کے والدین نے انکی سزاؤں کے خلاف پشاور ہائیکورٹ میں اپیل دائر کر دی تھی، جس پر منگل کے روز سماعت کرتے ہوئے فاضل دو رکنی بنچ نے ملٹری کورٹس کی سزائے موت کے فیصلے اور آرمی چیف کی اس فیصلے کی توثیق کو معطل کرتے ہوئے انکی سزا پر عملدرآمد روکنے کے احکامات جاری کئے۔