کراچی آپریشن کا حتمی مرحلہ شروع کرنے کا فیصلہ

شیعہ نیوز ( پاکستانی شیعہ خبر رساں ادارہ ) وفاقی حکومت نے کراچی آپریشن کا حتمی مرحلہ شروع کرنے کا فیصلہ کرلیا ہے، اس حوالے سے وزیراعظم کراچی آپریشن کی تین سالہ کارکردگی رپورٹ کا جائزہ لے کر اس کی حتمی منظوری دیں گے۔

زرائع کے مطابق کراچی آپریشن کے آخری مرحلے کیلئے مربوط آپریشنل پلان کی تیاری کیلئے وفاقی وزارت داخلہ کو سندھ حکومت اور سیکورٹی اداروں سے مشاورت کی ہدایت کر دی گئی ہے۔ اس آپریشن کے آخری مرحلے میں سیکورٹی ادارے قانون کے تحت وسیع تر اختیارات کے مطابق ملک دشمن، اسلام دشمن کالعدم تکفیری دہشت گرد گروہوںں، غیر ملکی خفیہ ایجنسیوں خصوصا بھارتی ایجنسی ’’را ‘‘ کے ایجنڈے کے تحت کام کرنے والے عناصر و گروپس، عسکری ونگز اور ان کے سہولت کاروں، ہمددردوں اور مالی مدد گاروں کا ڈیٹا مرتب کرکے ٹارگٹڈ آپریشنز کریں گے۔