رینجرز اختیارات پر وفاق نے ہماری درخواست کو من و عن تسلیم کیا، مشیر قانون سندھ کا دعویٰ

شیعہ نیوز ( پاکستانی شیعہ خبر رساں ادارہ)مشیر قانون سندھ مرتضیٰ وہاب کا کہنا ہے کہ وفاق نے ہماری درخواست کو من و عن تسلیم کیا اور رینجرز کو کراچی میں 90 روز کے لیے اختیارات دیئے گئے ہیں۔

زرائع کے مطابق وفاقی وزارت داخلہ کی جانب سے سندھ میں رینجرز کے قیام اور خصوصی اختیارات سے متعلق سمری جاری کرنے پر سندھ کے مشیر قانون مرتضیٰ وہاب نے اپنے رد عمل کا اظہار کرتے ہوئے کہا کہ رینجرز کو کراچی میں97 کے انسداد دہشت گردی ایکٹ کے تحت 90 دن کے لیے خصوصی اختیارت دیئے گئے ہیں جو 20 جولائی 2016 سے دیئے گئے۔ انہوں نے کہا کہ سندھ حکومت نے کوئی شرط نہیں رکھ تھی اور وفاق نے ہماری درخواست کو من و عن تسلیم کیا۔