ہنگو، بنیادی مرکز صحت سے برآمد ہونے والا بم ناکارہ بنا دیا گیا

شیعہ نیوز ( پاکستانی شیعہ خبر رساں ادارہ)ہنگو بڑی تباہی سے بچ گیا۔سیکیورٹی فورسز نے ہنگو میں مرکزِ صحت کے قریب سے برآمد ہونے والے بم کو ناکارہ بنا دیا۔

زرائع کے مطابق سینٹرل اورکزئی ایجنسی کے علاقے ہنگو میں درندشیخان کے بنیادی مرکز صحت میں تکفیری دہشت گردوں کی جانب سے نصب کیا جانے والے بم ملنے پر سیکیورٹی فورسز نے بم ڈسپوزل سکواڈ کو طلب کرلیا۔ جنہوں نے بم کو ناکارہ بنا دیا۔ اطلاعات کے مطابق ہنگو میں واقع بنیادی مرکزِ صحت پر ملک دشمن، اسلام دشمن کالعدم تکفیری دہشتگرد گروہ تحریکِ طالبان پاکستان کے دہشتگردوں کی جانب سے نصب کیا جانے والے بم برآمد ہونے پر سیکیورٹ فورسز نے فوری کاروائی کرتے ہوئے مرکزِ صحت کو کلیئر کراتے ہوئے بم ڈسپوزل اسکواڈ کو طلب کرلیا۔بی ڈی ایس نے فوری ایکشن لیتے ہوئے بم کو ناکارہ بنادیا۔بی ڈی ایس حکام کے مطابق بم دیسی ساختہ تھا جس کا وزن 5 کلو تھا۔