وزیراعلٰی بلوچستان کیجانب سے شہداء کے ورثاء کو فی کس ایک کروڑ روپے اور نوکریاں دینے کا اعلان
شیعہ نیوز ( پاکستانی شیعہ خبر رساں ادارہ)سانحہ کوئٹہ میں شھیدہونے والے وکلاء کے لیے وزیراعلٰی بلوچستان ثناء اللہ زہری نے ایک کروڑ روپے فی کس، اور لواحقین کو نوکریاں دینے کا اعلان کیا ہے۔
زرائع کے مطابق وزیراعلٰی بلوچستان نواب ثناءاللہ زہری نے سپریم کورٹ بار ایسوسی ایشن کے ممبران سے ملاقات کے بعد میڈیا سے گفتگو کرتے ہوئے کہا کہ ’’وکلاء، جمہوریت کی اہم اساس اور ہمارے بازو ہیں، انہوں نے ہمیشہ دہشت گردی کے خلاف کردار ادار کرتے ہوئے قربانیاں دیں۔ اُن کا کہنا تھا کہ ’’ہم وکلاء کے ویژن کو پورا کریں گے اور جلد اس دہشت گردی کا ملک بھر سے خاتمہ کردیں گے، اس موقع پر وزیراعلٰی بلوچستان نے کوئٹہ دھماکے میں شھید ہونے والے وکلاء کے خاندانوں کو فی کس ایک کروڑ روپے اور سرکاری نوکری دینے کا اعلان کیا۔
اس موقع پر سینیئر وکیل نے میڈیا سے گفتگو کرتے ہوئے کہا کہ ’’دھماکے میں وکلاء کو شہید کر کے تکفیری دہشت گردوں نے ہمیں کمزور کرنے کی کوشش کی ہے مگر وہ بری طرح ناکام ہوئے اور پوری قوم اس واقعے کے بعد متحد ہوگئی۔ اُن کا مزید کہنا تھا کہ ’’کوئٹہ بم دھماکے میں وکلاء کی شہادت کے بعد پورے ملک کے سنیئر وکلاء کوئٹہ پہنچے ہیں اور آئندہ کی حکمت عملی پر غور کیا گیا۔ اس اجلاس کے اختتام پر وکلاء برادری نے وزیراعلٰی بلوچستان سے ملاقات کی، جس میں انہوں نے تحفظات دور کرنے کی یقین دہانی کروائی ہے‘‘۔
