سیالکوٹ،سی ٹی ڈی کی کارروائی ،عالمی تکفیری دہشتگرد گروہ داعش کا کمانڈر گرفتار
شیعہ نیوز ( پاکستانی شیعہ خبر رساں ادارہ) کاؤنٹر ٹیررازم ڈیپارٹمنٹ نے سیالکوٹ میں کارروائی کرتے ہوئے کالعدم عالمی سفاک تکفیری دہشتگرد گروہ داعش کے افغانی کمانڈر کو گرفتار کر لیا ہے۔
زرائع کے مطابق کاؤنٹر ٹیررازم ڈیپارٹمنٹ (سی ٹی ڈی) نے سیالکوٹ میں کارروائی کرتے ہوئے عالمی سفاک تکفیری دہشتگرد گروہ داعش کے افغانی کمانڈر کو گرفتار کر لیا ہے، جس کے قبضے سے ہینڈ گرنیڈ اور دیگر اسلحہ بھی برآمد کیا گیا۔ سی ٹی ڈی کے ذرائع کے مطابق گرفتار تکفیری دہشتگرد کمانڈر کی شناخت عزت اللہ کے نام سے ہوئی ہے، جس کا تعلق سعودی نمک خوار عالمی تکفیری دہشتگرد گروہ داعش سے ہے۔تکفیری دہشتگرد کمانڈر افغانستان سے پہلے کوئٹہ آیا اور پھر وہاں سے ٹریننگ لینے کے بعد جنوبی پنجاب میں مقیم تھا۔ سی ٹی ڈی کے مطابق تکفیری دہشتگرد کمانڈر جنوبی پنجاب سے تکفیری دہشت گردوں کا رابطہ داعش کے کمانڈروں سے رابطہ کرواتا تھا۔تکفیری دہشتگرد کمانڈر کے خلاف مقدمہ درج کرکے مزید تفتیش شروع کردی گئی ہے جب کہ اس کے دیگر ساتھی تکفیری دہشتگردوں کی گرفتاری کے لیے بھی کارروائیاں کی جارہی ہیں۔
واضح رہے کہ گذشتہ دنوں کاؤنٹر ٹیررازم ڈیپارٹمنٹ (سی ٹی ڈی) نے گجرات کے علاقے ڈنگہ میں خفیہ اطلاع پر کارروائی کی تھی اور اس دوران کالعدم تکفیری دہشتگرد گروہ سپاہِ صحابہ (اہلسنت و الجماعت) کے مقامی دہشتگرد کو گرفتار کر لیا گیا، گرفتار تکفیری دہشتگرد کی شناخت عبدالمجید کے نام سے ہوئی تھی، جو ایبٹ آباد کا رہائشی تھا، تکفیری دہشتگرد عبدالمجید کے قبضے سے ممنوعہ مواد اور سی ڈیز بھی برآمد کی گئی تھیں، جب کہ اسے کو تفتیش کے لیے نامعلوم مقام پر منتقل کر دیا گیا تھا۔
