ہم، قیام پاکستان سے لیکر اب تک بانیان پاکستان کی آرزوں کی تکمیل میں ناکام رہے ہیں ،علامہ اعجاز بہشتی
شیعہ نیوز ( پاکستانی شیعہ خبر رساں ادارہ) ملکی سلامتی اور قیام امن کیلئے ہر فرد کو اپنا کردار ادا کرنا ہوگا، قومیں اپنی اصلاح کرکے آگے بڑھتی ہیں۔پاکستان اس وقت بد ترین حالات سے دو چار ہے ۔ اس وقت دہشتگردی کے علاوہ طبقاتی نظام، سیاسی کرپشن، اختیارات کے ناجائز استعمال، مہنگائی، بے روزگاری، توانائی بحران اور زندگی گزارنے کی سہولیات کے فقدان نے ہمیں چاروں طرف سے گھیر لیا ہے۔
زرائع کے مطابق ان خیالات کا اظہار مجلس وحدت مسلمین پاکستان کے مرکزی رہنماء علامہ اعجاز حسین بہشتی نے مجلس وحدت مسلمین کوئٹہ ڈویژن کے مرکزی سیکریٹریٹ میں معززین علاقہ،تنظیمی ذمہ داران و کارکنان سے خطاب کرتے ہوئے کیا۔علامہ اعجاز بہشتی نے کہا کہ گذشتہ برسوں میں ہم بحیثیت قوم قیام پاکستان کے اصل مقاصد حاصل کرنے اور قیام پاکستان سے لیکر اب تک ہم بانیان پاکستان کی آرزوں کی تکمیل میں ناکام ہیں اسکی وجہ یہ ہے کہ ہم اپنے ذاتی مفادات کو ترجیح دیتے رہے۔ ہم آج جو کچھ بھی ہیں وہ سب پاکستان کی بدولت ہیں اور کل ہمارا بچے بھی اسی وطن میں سانس لیں گے ۔ قرارداد پاکستان کی صورت میں برصغیر کے مسلم اکثیریتی علاقوں کیلئے آزادی اور خود مختاری کا مطالبہ کیا گیا تھا لیکن قیام پاکستان کے بعد مختلف حکومتوں کی غلط پالیسیوں کے باعث مختلف صوبوں اور قوموں کے درمیام فاصلیں پیدا ہو گئے۔ ہمیں ایسے معاشرے کے قیام کیلئے جدو جہد کرنا چاہئے جہاں ہم آہنگی، برداشت، امن، خوشحالی کا راج ہو اور جہاں لوگ امن سے زندگی گزار سکے اور ملک ترقی کا سفر طے کرسکے۔
علامہ اعجاز بہشتی نے مزید کہا کہ ملکی سلامتی اور قیام امن کیلئے ہر فرد کو اپنا کردار ادا کرنا ہوگا، قومیں اپنی اصلاح کرکے آگے بڑھتی ہیں۔پاکستان اس وقت بد ترین حالات سے دو چار ہے ۔ اس وقت دہشتگردی کے علاوہ طبقاتی نظام، سیاسی کرپشن، اختیارات کے ناجائز استعمال، مہنگائی، بے روزگاری، توانائی بحران اور زندگی گزارنے کی سہولیات کے فقدان نے ہمیں چاروں طرف سے گھیر لیاہے۔ انہوں نے مزید کہا کہ حکمرانوں کو اپنے قبلے کی درستگی کے بعد عوام کے مسائل کے حل کیلئے عملی کاؤشیں کرنا ہوگی تاکہ عوام کو ریلیف مل سکیں اور وہ معاشی آسودگی کے بعد ملکی ترقی و خوشحالی میں اپنے کلیدی کردار ادا کرتے ہوئے استحکام پاکستان میں اپنا حصہ ڈال سکیں کیونکہ معاشی طور پر خوشحال عوام ہی ریاست کی ضمانت فراہم کر سکتے ہیں۔
اس موقع پر علامہ ہاشم موسوی، ایم پی اے آغا رضا، ڈویژنل سیکریٹری جنرل عباس علی، ڈپٹی سیکریٹری جنرل شیخ ولایت حسین، کونسلرز کربلائی رجب علی، عباس علی، سید مہدی اور علاقے کے دیگر معززین نے کثیر تعداد میں شرکت کی۔
