اعتزاز کہتا ہے میں آرمی میں جاؤں گا
شیعہ نیوز ( پاکستانی شیعہ خبر رساں ادارہ )پشاور کے ایک اسکول میں خود کش حملے کو ناکام بنانے والے شیعہ طالب علم اعتزاز حسن کی زندگی پر بننے والی فلم ’سیلوٹ‘ کا ٹریلر جاری کردیا گیا۔
زرائع کے مطابق شہزاد رفیق کی فلم ’سیلوٹ‘ نوعمر شیعہ طالبعلم اعتزاز حسن کی زندگی اور بہادرانہ اقدام پر مبنی ہے جس میں اس نے 5 جنوری 2014 کو اپنی زندگی خود کش بمبار کو اسکول میں داخل ہونے سے روکنے کے لیے قربان کردی اور اس طرح ہنگو کے ابراہیم زئی نامی گاؤں کے 400 طالبعلموں کی زندگیاں بچالیں۔
اطلاعات کے مطابق3 منٹ 10 سیکنڈ دورانیہ کے اس ٹریلر میں شھید اعتزاز حسن کی والدہ کا کہنا تھا کہ ‘اعتزاز آرمی میں جانا چاہتا ہےاور یقیناً بڑے ہوکر اعتزاز اپنے ملک کی حفاظت ہی کرنا چاہتا تھا۔اس ٹریلر میں تکفیری دہشت گردوں کو بھی پیش کیا گیا جو تکفیری خود کش بمباروں کو اسکولوں میں دھماکے کرنے کی ٹریننگ دے رہے ہیں۔
واضح رہے کہ 2014 میں ہنگو کے ایک اسکول میں یونیفارم میں ملبوس تکفیری خود کش حملہ آور کو شیعہ طالبعلم اعتزاز حسن نے روکنے کی کوشش کی تھی، جس پر اس نے خود کو دھماکے سے اڑا لیا، جس کے نتیجے میں اعتزاز بھی زخموں کی تاب نہ لاتے ہوئے شھیدہو گیا تھا۔اعتزاز کے والد مجاہد علی کا ایک انٹرویو میں کہنا تھا کہ ‘میں اپنے عزیز ترین بیٹے کو گنوا چکا ہوں لیکن اس نے جو کیا مجھے اس پر کوئی افسوس نہیں۔ اس نے دلیرانہ کام کیا اور میں اس کی بہادری پر خوش ہوں۔
ہنگو کے اس ہیرو کی زندگی پر بننے والی فلم کی ریلیر تاریخ اب تک سامنے نہیں آئی۔
