کراچی پولیس کی کاروائی،کالعدم سپاہِ صحابہ کے تین تکفیری دہشتگرد گرفتار، اسلحہ برآمد

شیعہ نیوز ( پاکستانی شیعہ خبر رساں ادارہ )کراچی پولیس نے عید الاضحی کے موقع پر تخریب کاری کی منصوبہ بندی کرنے والے کالعدم سپاہِ صحابہ کے 3 تکفیری دہشتگردوں کو گرفتار کرکے بھاری تعداد میں اسلحہ برآمد کرلیا۔

زرائع کے مطابق گلشن اقبال پولیس نے کارروائی کرتے ہوئے ملک دشمن، اسلام دشمن کالعدم تکفیری دہشتگرد گروہ سپاہِ (اہلسنت و الجماعت) کے تین تکفیری دہشت گردوں کو گرفتار کر لیا۔ پولیس کے مطابق گرفتار تکفیری دہشتگردوں کےقبضے سے 2 کلاشنکوف اور پستول اور سینکڑوں راؤنڈ برآمد ہوا۔ تکفیری دہشتگرد فرقہ وارانہ ٹارگٹ کلنگ اور قانون نافذ کرنے والے اداروں کے اہلکاروں پر حملے میں ملوث ہیں۔ کالعدم سپاہِ صحابہ (اہلسنت و الجماعت)کے گرفتار تکفیری دہشتگردوں میں انور عرف موٹا، عبید اللہ اور مستلعین شاہ شامل ہیں۔ تکفیری دہشتگرد کالعدم تکفیری جہادی گروہوں کے لئے فنڈنگ بھی کرتے ہیں۔

پولیس کے مطابق گرفتار تکفیری دہشتگرد عید الاضحی کے موقع پر دہشت گردانہ کارروائیوں کی منصوبہ بندی کررہے تھے۔