لاہور میں محرم الحرام کا آغاز، ننھے عزادروں کا روایتی جلوس برآمد

شیعہ نیوز ( پاکستانی شیعہ خبر رساں ادارہ )محرم الحرام کا چاند نظر آتے ہی ملک بھر کی طرح پنجاب کے دارلحکومت لاہور میں بھی مجالس عزا اور جلوسوں کا سلسلہ شروع ہو چکا ہے۔

زرائع کے مطابق محرم کے آغاز پر لاہور کے معروف علاقے اندورن موچی گیٹ حسینیہ ہال سے بچوں کا قدیمی روایتی جلوسِ عزا برآمد ہوا۔ جلوس میں سیکڑوں کی تعداد میں ننھے عزاداروں نے شرکت کی۔ ننھے عزاداروں نے جلوس کے دوران سینہ کوبی کیساتھ ساتھ نوحہ خوانی کی۔ ننھے عزداروں کا جلوس مقررہ راستوں سے ہوتا ہوا منزل پر پہنچ کر اختتام پذیر ہوا۔ بچوں نے علم حضرت عباسؑ کی شبیہیں بھی اٹھا رکھی تھیں۔ لاہور میں ہر سال محرم کے آغاز پر اندرون شہر کے امام بارگاہوں سے بچوں کا یہ جلوس برآمد ہوتا ہے جو اندرون شہر کے امام بارگاہوں سے ہوتا ہوا واپس حسینہ ہال اختتام پذیر ہوا۔