ایجنسیوں کے وسیع تر نیٹ ورک کے باوجود سانحہ کوئٹہ سیکیورٹی اداروں کیلئے سوالیہ نشان ہے، علامہ عباس کمیلی
شیعہ نیوز ( پاکستانی شیعہ خبر رساں ادارہ )جعفریہ الائنس پاکستان کے سربراہ علامہ عباس کمیلی کا کہنا ہے کہ کالعدم تکفیری دہشتگرد گروہ لشکرِ جھنگوی کی جانب سے کوئٹہ پولیس ٹریننگ سینٹر پر حملے کی شدید الفاظ میں مذمت اور واقعہ میں شھید ہونے والے افراد کے لواحقین سے دلی ہمدردی کرتے ہیں۔
زرائع کے مطابق اپنی رہائش گاہ پر علماء کرام کے وفد سے گفتگو میں علامہ عباس کمیلی کا کہنا تھا کہ یہ کاروائی اسلام دشمن اور پاکستان دشمن عناصر کی کاروائی ہے، بزدل تکفیری دہشت گردوں کے ان حملوں سے قوم کے حوصلے پست نہیں ہوں گے، یہ درندہ صفت دہشت گرد بے گناہ انسانوں کو مذہب کے نام پر قتل کر رہے ہیں جو اسلام میں کسی بھی صورت جائز نہیں ہے، ان تکفیری دہشت گردوں کا کوئی دین ہے اور نہ مذہب بلکہ یہ استعمار کے ایجنٹ ہیں، اس ملک میں ایجنسیوں کا اتنا بڑا نیٹ ورک ہونے کے باوجود اس طرح کے واقعات کا ہونا سیکیورٹی اداروں کے لیے سوالیہ نشان ہے۔
علامہ عباس کمیلی نے مزید کہا کہ آپریشن ضرب عضب کو ناکام بنانے کے لئے مختلف قوتیں بیرونی سازشی عناصر کی ایماء پر برسرپیکار ہیں اس کا قلع قمع کرنا حکومت کی ذمہ داری ہے، ملک بھر میں امن کے قیام کے لئے نیشنل ایکشن پلان کا اصلی روح پہ عمل در آمد کرانا بہت ضروری ہے ورنہ اب تک ہونے والی تمام محنت ضائع ہو جائے گی، حکومت کی ذمہ داری ہے کہ عوام کے جان و مال کی حفاظت کو یقینی بنائے اور اس واقعہ میں ملوث دہشت گردوں کو گرفتار کر کے سزا دے کیونکہ شہداء کے گھرانے انصاف کے منتظر ہیں۔
