مکہ و مدینہ اور کو امریکہ، اسرائیل، سعودیہ اور اس کے اتحادیوں سے حقیقی خطرہ لاحق ہے، حسینی فورس

شیعہ نیوز (پاکستانی شیعہ خبر رساں ادارہ) حسینی فورس پاکستان کے مرکزی صدر نے مکہ مکرمہ کی جانب میزائل فائر کئے جانے کے دعوے کو سعودی عرب اور اس کے اتحادیوں کی اندرونی شکست کی علامت قرار دیا ہے۔ اشتر رضا اشتر کا مزید کہنا تھا کہ یمنی مجاہدین کے خلاف سعودی عرب کی جانب سے جھوٹی خبریں پھلانے پر ردعمل ظاہر کرتے ہوئے کہا کہ مکہ مکرمہ پر حملے کا پروپیگنڈا سعودی اتحاد کی اندرونی ناکامی کی علامت ہے۔ اشتر رضا اشتر نے کہا کہ مکہ و مدینہ اور دوسرے مقدس مقامات کو امریکہ، اسرائیل اور اس کے اتحادیوں سے حقیقی خطرہ لاحق ہے۔ انہوں نے یہ بات زور دیکر کہی کہ مکہ یمنی مجاہدین کو اپنی جان ومال سے بھی زیادہ عزیز ہے اور اہل یمن ہرگز اس کے تقدس پرآنچ نہیں آنے دیں گے، حاجیوں کا خون بہانے والے امریکہ و اسرائیل سعودی عرب اور اس کے اتحادی مقدس اسلامی مقامات کے لیے خطرہ ہیں۔ انہوں نے کہا کہ امریکی سعودی اتحاد کا پروپیگنڈا جھوٹ پر استوار، ایک ناکام حربہ ہے، اس قسم کے اقدامات کے ذریعے یمن میں سعودی عرب کے کھلے جنگی جرائم پر پردہ نہیں ڈالا جا سکتا۔