کراچی میں ٹارگٹ کلنگ کے بڑھتے ہوئے تسلسل کو روکا جائے، علامہ حسین مسعودی

شیعہ نیوز ( پاکستانی شیعہ خبر رساں ادارہ ) جعفریہ الائنس کے سینئر نائب صدر علامہ محمد حسین مسعودی نے کہا کہ حکومت اور ریاستی ادارے ٹارگٹ کلنگ کے بڑھتے ہوئے تسلسل کو روکیں، گذشتہ دنوں گلستان جوہر میں یونیورسٹی کے طلبہ کو نشانہ بنایا گیا جبکہ شہر کے دیگر حصوں میں بھی بے گناہ قتل ہوئے جو کہ بڑا المیہ ہے، ضروری ہے کہ ان مدارس اور تربیت گاہوں کے خلاف سخت کاروائی کی جائے جہاں کفر و الہاد کے فتوے جاری ہوتے ہیں اور دہشت گردوں کو قتل و غارت گری کی تربیت دی جاتی ہے۔ انہوں نے شہید مرتضیٰ علی کیلئے دعائے مغفرت و فاتحہ خوانی کی اور زخمیوں کیلئے صحت یابی کی دعا کی۔