وفاقی و بلوچستان حکومت تافتان بارڈر پر پھنسے زائرین کی مشکلات فوری حل کرے،سید علی حسین نقوی

شیعہ نیوز ( پاکستانی شیعہ خبر رساں ادارہ )تفتان باڈر اور کوئٹہ میں زائرین امام حسین کوحکومتی بے حسی اور نااہلی کے سبب مشکلات کا سامنا ہے،حکومت اپنی ذمہ داری پوری کرے اور زائرین کے سفر میں رکاوٹ کو فوری ختم کرے۔

زرائع کے مطابق ان خیالات کا اظہار مجلس وحدت مسلمین پاکستان صوبہ سندھ کے سیکرٹری سیاسیات سید علی حسین نقوی نے عزاداری سیل کے اجلاس سے خطاب کرتے ہوئے کیا۔ انہوں نے کہا کہ کوئٹہ اور تفتان میں سکیورٹی اور امیگریشن عملے کی کمی کے سبب ہزاروں زائرین مشکلات سے دوچار ہیں،وفاق اور بلوچستان حکومت کی عدم دلچسپی کے سبب تفتان میں کھلے آسمان تلے لوگ اس سردی کے موسم میں بے یار مدد گار پڑے ہیں،زائرین سراپا احتجاج ہیں اور حکمرانوں کے کان پر جوں تک نہیں رینگتی۔سید علی حسین نقوی نے بلوچستان حکومت اور وفاقی وزیر داخلہ سے مطالبہ کرتےہوئے کہا کہ وہ اپنی ذمہ داری ادا کرتے ہوئے زائرین کو منزل کی طرف روانہ کرے،بصورت دیگر کسی بھی ناخوشگوار واقعے کی ذمہ داری حکومت پر آئد ہوگی۔